Ağdaşın Qumlax kənd sakinləri 30 ildir mavi yanacağa həsrət qalıblar.
Axar.az xəbər verir ki, bu barədə Baku TV-yə kənd sakinləri bildirib.
Onların sözlərinə görə, kənddə 80-ə yaxın ailə qazla təmin olunsa da, təxminən 70 ailə illərdir ki, mavi yanacağa həsrət qalıb.
"Meyvə ağaclarını da kəsib yandırmışıq. Odun tapmırıq. Uşaqları ac-susuz məktəbə yola salırıq. Soyuqdan qırılıb batırıq", - sakinlər narazılıqlarını ifadə ediblər.
Məsələ ilə bağlı "Azəriqaz" İstehsalat Birliyindən bildirilib ki, bölgələrdə qazlaşma işləri növbəli şəkildə həyata keçirilir. Adıçəkilən Qumlax kəndində də bu proses növbəti mərhələdə icra olunacaq.
