1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Real Madrid"in fransalı hücumçusu Kilian Mbappe zorlamada ittiham olunduğu üçün təəccübləndiyini etiraf edib.
Oxu.Az xəbər verir ki, onun sözlərini "Canal+" yayıb.
"Gözləmədiyim məsələlər var. Mən heç nə almadım, açıqlama da vermədim. Hamı kimi mən də eyni yazıları oxuyurdum. İsveç hökuməti də heç nə deməyib. Bu, məni narahat etmir, sadəcə bir anlaşılmazlıqdır", - deyə o bildirib.
Xatırladaq ki, oktyabrın 15-də KİV Mbappenin Stokholmdakı hoteldə törədilən zorlamada şübhəli bilindiyini yazıb. Futbolçunun cinayət işindəki statusu "əsaslı şübhəli" kimi qeyd olunub. O özü isə bu ittihamları "saxta" adlandırıb.
