Rusiya liderinin mətbuat katibi qeyd edib ki, Vladimir Zelenskinin sosial şəbəkələrdə, eləcə də onun ətrafındakıların reaksiyasına əsasən, Ukrayna tərəfi Macarıstan baş nazirinin bütün təkliflərini rədd edib.
Turkustan.az xəbər verir ki, Rusiya prezidentinin mətbuat katibi Dmitri Peskov jurnalistlərə bildirib ki, Macarıstanın baş naziri Viktor Orban Rusiya ilə Ukrayna arasında böyük məhbus mübadiləsi aparmağı və Milad atəşi elan etməyi təklif edib, lakin Kiyev bu təşəbbüsü rədd edib.
“Macarıstanın baş naziri dünən prezident Vladimir Putinlə telefon danışığı zamanı Milad bayramı ərəfəsində Rusiya və Ukrayna arasında böyük məhbus mübadiləsinin həyata keçirilməsi, həmçinin Milad atəşkəsi elan edilməsi təklifi ilə çıxış edib”-deyə, Kreml sözçüsü bildirib.
O vurğulayıb ki, “Rusiya sülh danışıqlarından heç vaxt imtina etməyib və 2022-ci il İstanbul razılaşmaları əsasında danışıqları bərpa etməyə hazır olduğunu dəfələrlə bəyan edib”.
Kreml nümayəndəsi Moskvanın Orbanın təşəbbüsünə dərhal cavab verdiyini vurğulayıb .
Aytən Yaşar/ Turkustan.az
