Müasir, müstəqil və qalib Azərbaycanın memarı, ümummilli lider Heydər Əliyevin anım günü Sabunçu rayonunda da keçirilib.
“Qafqazinfo” xəbər verir ki, əvvəlcə Sabunçu Rayon İcra Hakimiyyəti başçısı Adil Vəliyev, Rayon İcra Hakimiyyəti başçısının müavinləri və Rayon İcra Hakimiyyəti başçısı aparatının məsul əməkdaşları Sabunçu rayonu, Bakıxanov qəsəbəsində yerləşən istirahət parkında ulu öndərin abidəsi önünə gül dəstələri düzərək əziz xatirəsini ehtiramla yad ediblər.
Daha sonra Sabunçu Rayon İcra Hakimiyyəti kollektivi Fəxri Xiyabanda ulu öndərin məzarını ziyarət edərək abidəsi önünə gül dəstələri düzüblər.
