UEFA avrokuboklarda həftənin yekunu ilə bağlı klubların reytinq cədvəlini yeniləyib.
Milli.Az xəbər verir ki, UEFA-nın son 5 mövsümü əhatə edən klublar sıralamasında Fənərbağça 42.000 xalla ilk 50-yə daxil olaraq 45-ci olub. "Fənərbağça" 34.500 xalla 55-ci yerdə olan "Qalatasaray"ı geridə qoyub.
Son 5 mövsümü əhatə edən reytinqdə yalnız bir türk komandası ilk 50 kluba daxil ola bilib.
Qeyd edək ki, siyahıda 129.000 xalla "Mançester Siti" birinci olub. "Real Madrid" 125 000 xalla ikinci, "Bayern Münhen" isə 116 000 xalla üçüncü olub. İngiltərə nəhəngi "Liverpul" 108,000 xalla dördüncü, İtaliyanın "Roma" komandası isə 97,000 xalla beşinci yerdə qərarlaşıb.
Fidan
Milli.Az
