Güclü külək Oğuzda fəsadlara səbəb olub.
KONKRET.az xəbər verir ki, ölkənin şimal-qərb bölgəsində ötən gündən davam edən güclü külək Oğuz rayonunda bir sıra fəsadlar törədib. Rayonun bir çox ərazilərində irigövdəli ağaclar aşıb, elektrik naqillərinə, internet xətlərinə ziyan dəyib. Bəzi ərazilərə elektrik enerjisinin verilməsində fasilə yaranıb.
Oğuz-Bayan avtomobil yoluna irigövdəli ağacın aşması səbəbindən avtomobillərin hərəkəti dayanıb.
Müvafiq qurumlar tərəfindən küləyin yaratdığı fəsadların aradan qaldırılması istiqamətində işlər aparırlar.
