"Yuventus"un hücumçusu Duşan Vlahoviç qış transfer pəncərəsində İngiltərə nəhənginə keçə bilər.
Fanat.Az xəbər verir ki, informasiyanı tanınmış insayder Ekrem Konur yayıb.
Xəbərə görə, serbiyalı forvardın xidmətində London "Arsenal"ı maraqlıdır. Mənbə Vlahoviçin heyətə qatılmasını "topçular"ın baş məşqçisi Mikel Artetanın şəxsən istədiyini vurğulayıb.
Qeyd edək ki, cari mövsüm bütün turnirlərdə 18 matça çıxan Vlahoviç 10 qol və 2 məhsuldar ötürmə ilə yadda qalıb. Onun Turin klubu ilə müqaviləsinin müddəti 2026-cı ilin yayına qədər nəzərdə tutulub.
Nihat
