"Barselona"nın baş məşqçisi Hans-Diter Flik "Liverpul"un müdafiəçisi Trent Alexander-Arnoldu sərəncamında görmək istəyir.
Fanat.Az xəbər verir ki, bu barədə "El Nacional" məlumat yayıb.
Xəbərə görə, Jül Kundenin müdafiənin sağ cinahında oynamasına baxmayaraq, alman mütəxəssis ingilis futbolçunun komandanı daha da gücləndirə biləcəyinə ümid edir.
Xatırladaq ki, 26 yaşlı futbolçunun mersisaydlılarla müqaviləsinin müddəti bu mövsümün sonuna kimidir. Mətbuat Alexander-Arnoldun xidmətində "Real Madrid"in də maraqlı olduğunu iddia edir.
Trent bu mövsüm bütün turnirlərdə 19 oyuna çıxıb və komanda yoldaşlarına 4 məhsuldar ötürmə edib.
Mirağa
