Dünyanın ən varlı ailələri müəyyən edildi. Əksəriyyəti üçüncü və dördüncü nəsildən böyük bir mirası qəbul edən bu ailələrin ümumi sərvətləri heyranlıq doğurur.
Milli.Az sektorlarda lider olan və qlobal iqtisadiyyata yön verən o ailələrin siyahısını təqdim edir:
1. Walton Ailəsi - ABŞ
Pərakəndə satış nəhəngi Walmart-ın sahibi olan Walton Ailəsi, 432,4 milyard dollarlıq sərvəti ilə siyahının zirvəsində yer alır. Ailə dünyanın ən böyük market zəncirlərindən birinin idarəsi ilə böyük bir sərvətə sahibdir.
2. Nahyan Ailəsi - Birləşmiş Ərəb Əmirlikləri
BƏƏ-nin Krallıq Ailəsi olan Nahyanlar, 323,9 milyard dollarlıq sərvəti ilə ən zəngin ailələr arasında ikinci sıradadır. Neft və təbii qaz sektorundakı təsirləri ilə tanınan bu ailə, bölgə iqtisadiyyatına böyük töhfə verir.
3. Al Thani Ailəsi - Qətər
Qətər Krallıq Ailəsi olan Al Thani-lər, sənaye və enerji sektorlarındakı investisiyaları ilə 172,9 milyard dollarlıq sərvətə sahibdir. Ailə, Qətərin qlobal enerji bazarındakı mövqeyini gücləndirir.
4. Hermès Ailəsi - Fransa
Lüks moda sektorunun önəmli markalarından Hermès-in sahibi olan Hermès Ailəsi, 170,6 milyard dollarlıq sərvəti ilə dördüncü sırada yer alır. Ailə moda və aksessuar sahəsindəki yenilikçi işləri ilə tanınır.
5. Koch Ailəsi - ABŞ
Enerji və kimya sahəsində fəaliyyət göstərən Koch şirkətinin sahibi Koch Ailəsi, 148,5 milyard dollar sərvəti ilə beşinci sıradadır. Ailə, sənaye istehsalı və enerji sektorunda lider mövqeyə sahibdir.
6. Səud Ailəsi - Səudiyyə Ərəbistanı
Səudiyyə Ərəbistanı Krallıq Ailəsi, 140 milyard dollarlıq sərvəti ilə ən zəngin ailələr arasında yer alır. Neft gəlirləri sayəsində iqtisadiyyatda böyük bir paya sahib olan bu ailə, ölkənin idarəsində də mühüm rol oynayır.
7. Mars Ailəsi - ABŞ
M&M's, Snickers kimi dünya miqyasında məşhur şirniyyat markalarının sahibi Mars Ailəsi, 133,8 milyard dollarlıq sərvəti ilə diqqət çəkir. Ailə qida və içki sektorunda önəmli yerə sahibdir.
8. Ambani Ailəsi - Hindistan
Dünyanın ən bahalı xüsusi villalarından birində yaşayan Ambani Ailəsi, 99,6 milyard dollarlıq sərvəti ilə Hindistanın ən zəngin ailəsidir. Ailə enerji, telekommunikasiya və pərakəndə satış sahələrində liderdir.
9. Wertheimer Ailəsi - Fransa
Coco Chanel-in öncülüyü ilə lüks moda sahəsində böyüyən Wertheimer Ailəsi, 88 milyard dollarlıq sərvətə sahibdir. Chanel markasının sahibi olan ailə, modadakı təsirini uzun illərdir davam etdirir.
10. Reuters Ailəsi - Kanada
Media sahəsinin önəmli adlarından biri olan Reuters Ailəsi, 87,1 milyard dollarlıq sərvəti ilə siyahıya daxil olub. Ailə qlobal xəbər agentliyi Reuters-in sahibi kimi tanınır.
Lalə Qüdrətova
Milli.Az
