Suriyalı üsyançılar Bəşər Əsədin əmisi oğlu, Suriya ordusunun elit birliyi olan 105-ci briqadanın komandiri Təllal Məxlufu əsir götürüblər.
NOCOMMENT.az xəbər verir ki, hadisə ilə bağlı Teleqram kanallarında yayılan görüntülərdə Məxlufun üsyançıların əlində olduğu və ona kütlə tərəfindən zor tətbiq edildiyi açıq-aşkar görünür. Videoda Məxlufa qarşı fiziki zorakılıq əks olunub.
Hazırda hadisənin tam detalları və Məxlufun vəziyyəti ilə bağlı məlumat yoxdur. Üsyançılar onun əsir götürülməsi ilə bağlı əlavə açıqlama verməyiblər.
Bildirilir ki, Təllal Məxlufu həm də işgəncə yuvası olan “Sednaya” həbsxanasının rəhbəri olub.
