Bu gün səhər erkən saatlarda İranın Əhvaz şəhərində dəhşətli hadisə baş verib. Altımərtəbəli yaşayış binası birdən-birə çöküb.
"Azad İran" "Telegram" kanalının məlumatına görə, bu barədə regional Yanğınsöndürmə Xidmətindən xəbər verilib.
Xoşbəxtlikdən, sakinlər ilk yeraltı təkanları hiss edərək vaxtında binadan çıxa biliblər. Yanğınsöndürmə Xidmətindən hadisə nəticəsində xəsarət alanın olmadığı vurğulanıb.
16 mənzildən ibarət binanın çökməsinin səbəbi kimi tikinti konstruksiyasında qüsurlar göstərilib.
