Avropa İttifaqı ölkələrinin Xarici İşlər nazirliklərinin rəhbərləri bu gün Rusiyaya qarşı 15-ci sanksiyalar paketini qəbul ediblər. Sanksiya siyahısına Çin və Şimali Koreya şirkətləri daxil edilib. Bu barədə Avropa Şurasının mətbuat xidməti xəbər verir.
Departamentin qeyd etdiyi kimi, yeni sanksiyalar Rusiya diktatoru Vladimir Putinin “kölgə donanmasına” qarşı yönəlib və Rusiyanın hərbi-sənaye kompleksini zəiflətməyə hesablanıb.
Aİ-nin xarici əlaqələr və təhlükəsizlik siyasəti üzrə nümayəndəsi, Avropa Komissiyasının vitse-prezidenti Kaja deyib: “Biz Ukrayna xalqını bütün cəbhələrdə humanitar, iqtisadi, siyasi, diplomatik və hərbi sahədə dəstəkləyəcəyik. Ukrayna qalib gələcək”,-deyə Kallas bəyan edib.
Sanksiya siyahısına Rusiya, Çin və KXDR-dən 54 nəfər və 30 təşkilat daxildir.
Ukraynada soyqırımlarında iştirak edən Rusiya hərbçilərinə, enerji sektorundakı şirkətlərin rəhbərliyinə və uşaqların deportasiyasına, təbliğatına və sanksiyalardan yayınmasına cavabdeh olanlara qarşı da sanksiyalar tətbiq edilib.
İlk dəfə olaraq Rusiyaya dəstək üçün dron komponentləri və mikroelektron komponentləri tədarük edən müxtəlif Çin subyektlərinə qarşı tamhüquqlu sanksiyalar (səyahət qadağası, aktivlərin dondurulması, iqtisadi resursların verilməsinə qadağa - red.) tətbiq edilib.
Limanlara çıxışı və dəniz nəqliyyatı ilə bağlı xidmətlərin göstərilməsinə qadağa qoyulan gəmilərin siyahısı genişləndirilib. Sanksiyalar Putinin “kölgə donanması”na daxil olan Aİ üzvü olmayan ölkələrin tankerlərinə qarşı yönəlib. Artıq üçüncü ölkələrdən gələn 52 gəmi bu əsaslarla sanksiya hədəfinə çevrilib, sanksiyalara məruz qalan gəmilərin ümumi sayı isə 79-a çatıb.
Siyahıya Ukraynaya qarşı aqressiv müharibədə Rusiyanın hərbi-sənaye kompleksini dəstəkləyənlər siyahısına 32 yeni qurum daxil edilib. Onlar ikili təyinatlı mallar və texnologiyalar, habelə Rusiyanın müdafiə və təhlükəsizlik sektorunun texnoloji təkmilləşdirilməsinə töhfə verə biləcək mal və texnologiyalar üzrə daha sərt ixrac məhdudiyyətlərinə məruz qalacaqlar. Qeyd olunur ki, bu müəssisələrin bəziləri üçüncü ölkələrdə - Çin, Hindistan, İran, Serbiya, Birləşmiş Ərəb Əmirlikləri və Serbiyada yerləşir.
Oxuməni.az
