Bundestaqın (parlament) deputatları Almaniya hökumətinin buraxılmasının lehinə səs veriblər.
733 parlamentaridən 394-ü kansler Olaf Şolza etimad göstərməkdən imtina edib (ən azı 367 səs tələb olunurdu), 116-sı bitərəf qalıb. Yaxın vaxtlarda ölkədə növbədənkənar parlament seçkiləri keçirilməlidir.
Qanuna görə, Almaniya prezidenti Frank-Valter Ştaynmayer 21 gün ərzində parlamentin buraxılması barədə qərar verməlidir. O, bu addımı atıb Olaf Şolzun liderliyini azlıq formatında saxlaya bilər. Lakin dövlət başçısı artıq deputatların fikrini dinləməyə hazır olduğunu bəyan edib. Seçkilər parlamentin buraxılmasından sonra 60 gün ərzində keçirilməlidir. Təxmini tarix 23 fevral 2025-ci ildir.
Xatırladaq ki, Olaf Şolz 2021-ci ilin dekabrından Almaniya Federativ Respublikasının kansleri vəzifəsində çalışır.
Onunla birlikdə hakimiyyətə gələn koalisiya üç partiyadan – Almaniyanın Kanslerin Sosial Demokrat Partiyası (SPD), Yaşıllar və Azad Demokrat Partiyasından (FDP) ibarətdir. Keçən ilin payızında Ukrayna üçün 2025-ci ilin büdcəsi və ona daxil olan vəsaitlərin müzakirəsi zamanı kəskinləşən koalisiya daxilində mütəmadi olaraq fikir ayrılıqları yaranırdı. Bu, Almaniyanın maliyyə naziri Kristian Lindnerin işdən çıxarılmasına və onun FDP-nin koalisiyadan çıxmasına səbəb olub.
//Samir Qurbanov, Editor.az
