Dekabrın 16-da Aİ ölkələri Rusiya və Ukrayna arasında qaz tranziti sazişinin müddətinin başa çatması fonunda qışa hazırlığı müzakirə edəcəklər. Avropa İttifaqı tədricən Moskvadan tədarükdən imtina edir.
NOCOMMENT.az xəbər verir ki, bu barədə Bloomberg məlumat yayıb.
Nazirlər Aİ-nin enerji məsələləri üzrə yeni komissarı Dan Yorgensen ilə görüşərək yaşıl enerjiyə keçid zamanı qiymətləri azaltmaq və Aİ sənayesinin rəqabət qabiliyyətini artırmaq variantlarını nəzərdən keçirəcəklər.
“Geosiyasi gərginliklər, tədarük zəncirinin pozulması və qalıq yanacaq idxalından asılılıq səbəbindən qiymət dəyişkənliyi ilə enerjinin mövcudluğu aktual problem olaraq qalır”, – Brüsseldə keçiriləcək iclasa sədrlik edəcək Macarıstanın yaydığı sənəddə deyilir.
Ukrayna və Rusiya arasında tranzit sazişinin müddəti dekabrın 31-də başa çatdığından Avropa Komissiyası qışa hazırlıq tədbirləri barədə Aİ ölkələrini məlumatlandıracaq.
