Türkiyə Superliqasının 16-cı turunda keçirilən "Adana Demirspor"la matçda "Beşiktaş" futbolçuları qeyri-adi bir addımla yadda qalıblar.
Musavat.com xəbər verir ki, oyunun fasiləsində hesabda "0-2" geridə olan "Beşiktaş" futbolçuları azarkeşlərə yaxınlaşaraq üzr istəyiblər.
Komandanın oyunçuları azarkeşlərə vəziyyəti düzəltmək üçün əllərindən gələni edəcəklərinə söz veriblər. Bu jest tribunadakı azarkeşlər tərəfindən alqışlarla qarşılanıb.
Matçın ikinci hissəsində "Beşiktaş"ın performansının azarkeşlərin gözləntilərini doğruldub-doğrultmayacağı böyük maraqla gözlənilirdi.
Lakin klub sadəcə qollardan birinin əvəzini çıxa bilib. Oyun 2:1 hesabı ilə yekunlaşıb.
Musavat.com
