Göygöldə ölümlə nəticələnən yol-nəqliyyat hadisəsi baş verib.
Axar.az Unikal.az-a istinadən xəbər verir ki, “Niva” markalı avtomobilin aşması nəticəsində sürücü, Vətən müharibəsi qazisi, çavuş, 1997-ci il təvəllüdlü Haxoy Əlaslan oğlu Hacıyev hadisə yerində ölüb.
Avtomobildə olan iki nəfər isə xəsarət alıb, yaralılar xəstəxanaya yerləşdirilib.
Qeyd edək ki, H.Hacıyev Cəbrayıl və Qubadlı istiqamətində gedən döyüşlərdə iştirak edib və “Vətən uğrunda”, Qubadlı və Cəbrayılın azad olunmasına görə medalları ilə təltif olunmuşdu.
