1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Barselona"nın mətbuat xidməti İspaniya çempionatının 17-ci turunda "Leqanes"lə (0:1) oyunda zədələnən Kataloniya komandasının cinah oyunçusu Lamin Yamalın vəziyyəti ilə bağlı açıqlama yayıb.
Oxu.Az xəbər verir ki, oyunçu sağ topuq nahiyəsindən zərbə alıb.
Bazar ertəsi keçirilən testlər onun topuq bağlarının zədələndiyini göstərib.
"Futbolçunun üç-dörd həftə yaşıl meydanlardan kənarda qalacağı gözlənilir", - klubun "X" hesabındakı açıqlamasında deyilir.
Qeyd edək ki, bu mövsüm 17 yaşlı Yamal "Barselona"nın heyətində bütün turnirlərdə 21 oyun keçirib, 6 qol və 12 məhsuldar ötürmə ilə yadda qalıb. Futbolçunun klubla hazırkı əmək müqaviləsi 2026-cı ilin yayına qədər nəzərdə tutulub.
"Transfermarkt" portalında verilən məlumata görə, onun bazar dəyəri 150 milyon avrodur.
