Rusiya Prezidenti Vladimir Putin dekabrın 19-da federal telekanallar vasitəsilə ona ünvanlanan suallara cavab verəcək.
Bakıvaxtı.az Apa-ya istinadla xəbər verir ki, bu barədə Rusiya prezidentinin mətbuat katibi Dmitri Peskov açıqlama verib.
Onun sözlərinə görə, Kreml rəhbəri qarşıdakı iki günü canlı yayıma hazırlaşmağa sərf edəcək.
Qeyd edək ki, Rusiya liderinin iştirak edəcəyi “Vladimir Putin ilə İlin Yekunları” proqramı yerli vaxtla saat 12:00-da Rusiyanın altı televiziya və üç radio kanalı vasitəsilə yayımlanacaq.
