"Azərbaycan Dəmir Yolları" (ADY) QSC 30 dekabr - 5 yanvar bayram günlərində 1 yanvar istisna olmaqla hər gün Bakı-Qəbələ-Bakı marşrutu üzrə qatar reysləri təşkil edəcək.
Qaziler.az xəbər verir ki, bu barədə ADY məlumat yayıb.
Bildirilib ki, bu, bayram günlərində sərnişin tələbatını təmin etmək məqsədilə həyata keçirilir.
"Qatarların hərəkət cədvəli və biletlər haqqında əlavə məlumatları dəmiryol vağzallarının kassalarından, ADY-nin rəsmi saytından (www.ady.az), "ADY Mobile" mobil tətbiqindən, eləcə də bütün günü xidmət göstərən "1822" Əlaqə Mərkəzindən əldə edə bilərsiniz", - deyə məlumatda qeyd edilib.
