Sportinfo.az xəbər verir ki, Azərbaycan millisinin sabiq qapıçısı, əslən Ukraynadan olan Andrey Popoviç sportal.az-a müsahibə verib.
- Azərbaycan millisi DÇ-2026-nın seçmə mərhələsi çərçvisəində İslandiya ilə yanaşı Ukrayna ilə eyni qrupdadır. Qrupdakı digər komanda isə Fransa-Xorvatiya cütünün qalibi olacaq. Səncə, püşkatma Azərbaycan millisi üçün uğurlu olub?
B- əli, püşkatmanın nəticələrinə baxdım. Düzü, güclü qrupdur. Püşkatmanın yaxşı, yoxsa pis olduğunu deyə bilmərəm. Reytinqimizə baxanda, istənilən halda güclü qrupa düşəcəyimiz bəlli idi. İndiki də yaxşı qrupdur.
- Yəqin ki, Ukraynada insanlar Azərbaycanın onlar üçün zəif rəqib olduğunu düşünürlər?
- Ukrayna millisinin Azərbaycanı qiymətləndirməyəcəyini düşünmürəm. Valideynlərim və dostlarım mesaj yazıb, qrup haqda danışdılar. Onlara dedim ki, Azərbaycan millisinin heyətində Ukraynaya qarşı oynamağı çox istəyərdim.
- Sən özün necə düşünürsən, Azərbaycan milli komandası Ukraynadan xal ala bilər? Qələbə qazanmaq realdır?
- Çətin olacağına çətindir. Amma hər şey mümkündür. Baxaq da, hansı komanda oyuna necə və hansı formada hazırlaşacaq. Bunu zaman göstərəcək.
- Azərbaycan millisi Millətlər Liqasında C divizionundan D divizionuna yuvarlandı. Bu uğursuzluqdan sonra millinin seçmə mərhələ oyunlarında uğurlu nəticə qazanması mümkündür?
- Düşünürəm ki, futbolçular özləri də vəziyyəti düzəltməli olduqlarını anlayırlar. Ona görə də, böyük motivasiya ilə meydana çıxacaqlar. Ümidvaram ki, Azərbaycan millisi uğurlu çıxış edəcək..
- Yəqin ki, millinin rəqiblərindən birinin Fransa olmasını istəməzdin? Onlar vaxtı ilə millimizə 10:0 qalib gəlmişdi. Ötən il isə Fransa Cəbəllütariqə 14:0 qalib gəlib...
- Nə deyəcəyimi heç bilmirəm. Təbii ki, belə hesabla uduzmaq istəməzdim. Amma futbolçu kimi Fransaya qarşı oynamaq və belə bir rəqiblə gücümü sınamaq istəyərdim. Azərbaycan millisinin bütün rəqiblərlə görüşdə sona qədər mübarizə aparacağını düşünürəm.
Azərbaycan - Ukrayna matçlarında hansı komandaya azarkeşlik edəcəksən?
- Bunu söyləmək çətindir. Çünki bunlar mənim üçün iki doğma ölkədir. Ona görə də yaxşı futbola köklənəcəyəm.
