Rusiya-Gürcüstan sərhədindəki “Yuxarı Lars” keçid məntəqəsi bütün növ avtomobillərin hərəkəti üçün bağlıdır.
Bu barədə Ermənistanın Rusiya Federasiyasındakı səfirliyinin gömrük attaşesi Vaan Akopyan Sputnik Ermənistan-a bildirib.
Daha əvvəl Yuxarı Larsdan yük maşınlarının keçməsi qadağan edilmişdi.
“Hava şəraitinin pisləşməsi ilə əlaqədar avtomobillərin və sərnişinlərin gediş-gəlişi məhdudlaşdırılıb”, - Akopyan deyib.
Xatırladaq ki, “Yuxarı Lars” keçid məntəqəsindən keçən yol hazırda Ermənistanı Rusiya ilə (Gürcüstan ərazisindən) birləşdirən yeganə quru marşrutdur.
