Bu gün futbol üzrə İngiltərə Liqa Kubokunda 2024/2025-ci illər mövsümünün 1/4 final mərhələsinə start verilib.
Arena.az xəbər verir ki, ilk oyun günündə üç qarşılaşma baş tutub.
“Arsenal” “Kristal Pelas”ı, “Nyuaksl” “Brentford”u, “Sauthempton” isə “Liverpul”u qəbul edib.
Paytaxt Londonun iki təmsilçisi – “Arsenal” və “Kristal Pelas” komandaları arasındakı qarşılaşma “topçular”ın minimal üstünlüyü ilə başa çatıb.
“Nyukasl” – “Brentford” oyununa isə ev sahiblərinin inamlı qələbəsi ilə yekun vurulub.
Günün son qarşılaşması ölkənin cənubunda baş tutub. Premyer Liqanın autsayderi – “Sauthempton” və lideri – “Liverpul” arasında keçirilmiş matça favoritlərin minimal üstünlüyü ilə nöqtə qoyulub.
Xatırladaq ki, bu turnirin 1/4 final mərhələsinin sonuncu oyunu dekabrın 19-dan 20-nə keçən gecə Londonda baş tutacaq. Burada Premyer Liqa təmsilçiləri olan “Tottenhem” və “Mançester Yunayted” komandaları üz-üzə gələcəklər.
Qeyd edək ki, İngiltərə Liqa Kubokunda 1/4 final mərhələsindən fərqli olaraq, yarımfinal görüşləri ev-səfər prinsipi ilə keçiriləcək. Birinci oyunlar yanvarın 6-da, cavab qarşılaşmaları isə fevralın 3-də təşkil olunacaq. Final matçının isə martın 16-da neytral meydanda keçirilməsi nəzərdə tutulub.
İngiltərə Liqa Kuboku
1/4 final
18 dekabr
Arsenal – Kristal Pelas 3:2
Qollar: Q.Jezus, 54; 73; 81 – Mateta, 4. Nketia, 85.
Nyukasl – Brentford 3:1
Qollar: Tonali, 9; 43. Şer, 69 – Vissa, 90+1.
Sauthempton – Liverpul 1:2
Qollar: Arçer, 59 – Nunes, 24. Elliot, 32.
19 dekabr
00:00. Tottenhem – Mançester Yunayted
