"Real Madrid"in prezidenti Florentino Peres komandasının Qitələrarası Kubokun finalında "Paçuka" üzərində qələbəsini (3:0) şərh edib.
Fanat.Az xəbər verir ki, "Marca" nəşri klub funksionerinin fikirlərini belə çatdırıb:
“Mən çox şadam, bu dünya çempionluğudur və biz onu doqquzuncu dəfədir qazanırıq.
2024-cü ili təkrarlamaq çətin olacaq, lakin biz yenə titullar qazanmaq üçün mübarizə aparacağıq. Bu mövsümə iki titulla başladıq və mövsümün sonunda nə olacağını görəcəyik.
Yaxşı komandaya sahib olmaq ən vacib şeydir. Bütün bu illər ərzində bunu etməyə çalışdım və həqiqət budur ki, biz çox şey qazandıq və qazanmağa davam etmək üçün ambisiyamız var.
Bu, uzun illərin, çox insanın işidir. Bütün dünya "Real Madrid" azarkeşləri ilə doludur. Bu, məmnunluq və məsuliyyətdir. Mən onlara bu sevinci yaşatmaq üçün işləməyə davam edəcəyəm”.
Florentino üçün bu titul onun klubun sükanı arxasındakı 37-ci qəniməti olub.
2024-cü ildə "Real" Çempionlar Liqasını, UEFA Super Kubokunu, La Liqanı və Qitələrarası Kuboku qazanıb.
Mirağa
