Xırdalanda avtomobil piyadanı vuraraq öldürüb

Bakı-Quba yolunda piyadanın ölümü ilə nəticələnən yol-nəqliyyat hadisəsi baş verib. 1news.az APA-ya istinadən xəbər verir ki, hadisə Abşeron rayonu Xırdalan şəhəri ərazisində qeydə alınıb.

Yolu keçmək istəyən piyada, 1978-ci il təvəllüdlü Yaqub Müseyib oğlu Əliməmmədovu avtomobil vurub. Sumqayıt Şəhər Təcili Yardım Xəstəxanasına çatdırılsa da, onu xilas etmək mümkün olmayıb.

Faktla bağlı araşdırma aparılır.