"Gender komissiyalarında daimi əsasla işləyən xanımlara ehtiyac var".
seher.media xəbər verir ki, bu sözləri "Hüquqi Tədqiqatlar Mərkəzi" İctimai Birliyinin icraçı direktoru Tofiq Həsənov "Bələdiyyələrdə yaradılmış gender komissiyalarının işinin gücləndirilməsi" mövzusuna həsr olunmuş konfransında çıxışı zamanı deyib.
Onun sözlərinə görə, bu komissiyalarda daimi əsasla işləyən xanımların olması həmin komissiyaların məhsuldar nəticə əldə etməsinə səbəb olacaq:
"Genderəsaslı komissiyaların məsul şəxsi bələdiyyədə olarsa, vətəndaş müraciətləri zamanı daha müsbət nəticə əldə etmək olar".
T.Həsənov əlavə edib ki, Azərbaycan bələdiyyələrində qadınların kəmiyyət etibarilə artması gələcəkdə keyfiyyətin artmasına təkan verəcək.
Aygün Mirakif
