“Qarabağ” klubunun braziliyalı hücumçusu Olaviyo Juninyo yenidən transfer xəbərlərinin mərkəzindədir.
"Operativ Media" AS nəşrinə istinadən xəbər verir ki, Serbiyanın aparıcı klublarından biri olan “Srvena Zvezda” futbolçunun xidmətində maraqlıdır.
Daha öncə Juninyonu transfer etmək istəyən “Sevilya” rəsmi təklif göndərsə də, “Qarabağ” bu keçid üçün yüksək məbləğ tələb etmişdi.
Qeyd edək ki, cari mövsümdə 25 oyunda 10 dəfə fərqlənən hücumçunun Azərbaycan təmsilçisi ilə müqaviləsi 2026-cı ilin yayında başa çatır.
