Rusiya prezidenti Vladimir Putin ilin yekunlarına dair keçirilən mətbuat konfransının birbaşa yayımı zamanı bildirib ki, Rusiya Federasiyası humanitar yardımın çatdırılması üçün Suriyadakı Xmeymim və Tartusdakı bazalardan istifadə etməyi təklif edib.
Qaziler.az bu barədə "Gazeta.ru"ya istinadla xəbər verir.
O qeyd edib ki, Rusiya bunu tərəfdaşlarına, o cümlədən Suriyada yerləşənlərə və qonşu ölkələrə təklif edib.
“Onlar Suriyaya humanitar yardımın çatdırılması üçün Xmeymim aviabazasından istifadə etməyi təklif ediblər. Eyni şey Tartusdakı hərbi-dəniz bazasına da aiddir”, - deyə Putin aydınlıq gətirib.
Putin həmçinin bildirib ki, Yaxın Şərqdəki ölkələrin böyük əksəriyyəti Rusiya hərbi bazalarının Suriyada saxlanmasının tərəfdarıdır.
QAZİLER.AZ
