"Ermənistan heç bir ölkə ilə silahlanma yarışı vəziyyətində deyil. Lakin o, öz sərhədlərini və ərazi bütövlüyünü qorumaq üçün silah əldə edir".
Bunu Ermənistanın baş naziri Nikol Paşinyan bildirib.
“Ermənistan heç bir ölkə ilə silahlanma yarışında deyil, biz silahları sırf Ermənistanın sərhədlərini və ərazi bütövlüyünü qorumaq üçün, yəni müdafiə məqsədi ilə alırıq və bunun üçün bizim məqsədlərimiz şəffafdır. Ermənistan super təchizatlı hava hücumundan və elektron müharibədən müdafiə sistemləri alsa belə, onlarla müdafiəni təşkil etmək mümkün deyil. Müdafiə üçün həm də artilleriya, raket və digər silahlar lazımdır. Bütün beynəlxalq standartlara uyğun olaraq, Ermənistan Respublikası silahlı qüvvələrə malik olmaq hüququna malikdir və öz vətəndaşlarını, o cümlədən mümkün xarici təhlükələrdən qorumağa borcludur”, - deyə Paşinyan qeyd edib.
