Demokrat.az-ın əldə etdiyi məlumata görə, hadisə 5 yanvar 2024-cü ildə Daşkəsən rayonunun kəndində baş verib.
Vəli həmin gün, saat 11:59-da istifadəsində olan mobil nömrəsindən Səfərin istifadəsində olan nömrəsinə göndərilmiş “kömək lazımdı, yeri tapmaq mümkün olmadı” məzmunlu mesaj mətninin yanlışlıqla göndərildiyini müəyyən etdikdən sonra məsələni aydınlaşdırmaq və həqiqətən həmin mesajı səhvən göndərildiyini izah etməkdən ötrü onun yaşadığı ev istiqamətində hərəkət edib.
Həmin gün saat 17 radələrində Səfərin yaşadığı evin qarşısına gəldikdən sonra ona yaxınlaşaraq səhvən göndərilmiş mesaj barəsində danışıqlar aparıb, şəxsi münasibətlər zəminində aralarında baş vermiş sözlə mübahisədən sonra Səfərin onu təhqir etməsinə qəzəblənib. O, Səfərin sağlamlığına qəsdən xəsarət yetirmək qərarına gəlib.
Vəli bu niyyətlə Səfərin sifət nahiyəsinə qəsdən bir neçə dəfə yumruq zərbələri endirib.
Sonra evin həyətindən götrüdüyü ağac parçası ilə Səfərin təpə nahiyəsinə qəsdən bir dəfə zərbə vurub.
Hadisə zamanı Səfər müxtəlif dərəcəli bədən xəsarətləri alıb.
Hadisəni törədən Vəlinin barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Vəli ona elan olunmuş ittiham üzrə özünü təqsirli bilib.
O, ifadəsində göstərib ki, 5 yanvar 2024-cü ildə onun mobil telefonu azyaşlı qızının əlində olarkən telefona gələn sms mesaj mətni səhvən Səfərin telefon nömrəsinə göndərilib:
“Səfər həm uzaq qohumum, həm də qonşum olduğundan sonuncunun telefon nömrəsi mənim telefonumun yaddaşında olub. Həmin gün axşam vaxtı mənə Səfərdən zəng gəldi, məndən nəyə görə telefonubna mesaj göndərdiyimi soruşdu. Həmin vaxt Səfər mənim nalayiq sözlərlə söydü. Mən Səfərin evinə tərəf getdim. Həmin vaxt Səfər məni və arvadımı söyməyə başladı. Səfərə dedim ki, telefon uşağın əlində olub və mesaj səhvən gəlib. Ona həmçinin dedim ki, qohumuq, belə hərəkət etmə. Səfər dedi ki, uşaq niyə mənə mesaj göndərir ki?.
Sonra isə uşağımın ünvanına təhqiredici sözlər deməyə başladı. Həmin vaxt Səfərin bacısı da ora gəldi. Səfərin bacısının əlində ağac var idi. Səfər və bacısı məni təkləyib yerə yıxdılar. Məni arxadan vurarkən özümü müdafiə məqsədilə yerdən ağac parçası götürərək Səfərin başından bir dəfə zərbə endirdim. Həmin ağac parçası qalın idi”.
Təqsirləndirilən şəxs bildirib ki, özünü müdafiə etmək məqsədilə Səfərə ağac parçası ilə xəsarət yetirib.
Onun ifadəsinə görə, Səfərin müalicəsi ilə əlaqədar 1000 manat verib.
O, törətdiyi əməlinə görə peşman olduğunu söyləyib.
İş üzrə zərərçəkmiş qismində ifadə verən Səfərin sözlərinə görə, yanvarın 5-də mobil telefonuna Vəlinin telefon nömrəsindən mesaj gəlib:
“Vəliyə dedi ki, sən niyə mesaj yazmısan?. Təqsirləndirilən şəxs bildirdi ki, uşaq səhvən göndərib. Ona “uşağı gətir, aydınlaşdıraq görək kim yazıb”, - deyə bildirdim.
Vəli isə bildirdi ki, mənim uşağım sənin üçün oyun-oyuncaqdı?. Sonra bizim aramızda mübahisə başladı. Biz əllərimiz ilə bir-birimizi vurduq. Daha sonra Vəli yerdən ağac parçasını götürərək bir dəfə başıma vurdu. Bundan sonra təcili-tibbi xidmət avtomobili gəldi. Mən xəstəxanada müalicə aldım”.
Bu cinayət işinə Gəncə Ağır Cinayətlər Məhkəməsində baxılıb. Məhkəmənin hökmü ilə Vəli 4 il müddətinə azadlıqdan məhrum edilib.
Hökmdən narazı qalan təqsirləndirilən şəxs apellyasiya şikayəti verib.
O, barəsində olan cəzanın yüngülləşdirilməsini yuxarı instasniya məhkəməsinin hakimlərindən xahiş edib. Onun şikayəti araşdırılması üçün Gəncə Apellyasiya Məhkəməsinə göndərilib.
Apellyasiya şikayətinin dəlillərini araşdıran hakimlər heyəti sonda qərar elan edib.
Qərara görə, təqsirləndirilən şəxs tərəfindən verilən şikayət təmin olunmayıb.
Fariz Məlikli
Demokrat.az
10Mənbələr
-
bakivaxti.azUkraynadan Rusiyaya aparılan uşaq intihar etdi ( 14314519)
-
news365.azUkraynadan Rusiyaya aparılan uşaq intihar etdi ( 14313835)
-
xalqcebhesi.azUkraynadan Rusiyaya aparılan uşaq intihar etdi ( 14313103)
-
axar.azUkraynadan Rusiyaya aparılan uşaq intihar etdi ( 14312899)
-
musavat.comUkraynadakı uşaq evindən Rusiyaya aparılan oğlan özünü öldürdü ( 14310685)
-
avtosfer.azUşaq oturacaqları:“Kiçik həyatları böyük təhlükədən necə qoruyaq?”- FOTO ( 14271007)
-
sia.az2024-cü ildə 162 uşaq ailə ilə təmin olunub - QURUMDAN AÇIQLAMA ( 14250001)
-
demokrat.azDaşkəsəndə 28 yaşlı oğlan qonşusuna xəsarət yetirdi: “Məni və arvadımı...”— TƏFƏRRÜAT ( 14170948)
-
demokrat.azSabirabadda 18 yaşlı oğlan 59 yaşlı kişini bıçaqladı — TƏFƏRRÜAT ( 14143450)
-
turkic.worldİngiltərədə 50 mindən çox uşaq Yeni ili evsiz keçirəcək ( 14141368)
