ABŞ ordusu DEAŞ lideri Əbu Yusifin və təşkilatın digər bir üzvünün Suriyada həyata keçirilən hava hücumu nəticəsində öldürüldüyünü açıqlayıb.
ABŞ Mərkəzi Komandanlığının (CENTCOM) rəsmi "X" internet səhifəsində edilən paylaşımda, dünən ABŞ qüvvələrinin Suriyaya hava hücumu təşkil etdiyi bildirilib. Paylaşımda Suriyanın Deyr əz-Zor bölgəsində CENTCOM qüvvələrinin həyata keçirdiyi hava hücumunda DEAŞ lideri Əbu Yusif və təşkilatın başqa bir üzvünün öldürüldüyü qeyd edilib.
ABŞ Mərkəzi Komandanlığının komandiri general Maykl Erik Kurilla DEAŞ-ın Suriyada QSD adından istifadə edən PKK/YPG terror təşkilatının nəzarətindəki həbsxanalardakı 8 min üzvünü qaçırmağı planlaşdırdığını iddia edərək bunun üçün çalışanların aqressiv şəkildə hədəf alınacağını bildirib.
Bu hücumun daha əvvəl Suriya rejimi və rusların nəzarətində olan bölgədə həyata keçirildiyi də qeyd edilib.
