Suriyanın yeni hökuməti xarici işlər naziri təyin edib.
Missiya.Az “Qafqazinfo”ya istinadən xəbər verir ki, bu barədə SANA məlumat yayıb.
Bildirilib ki, Baş Komandanlıq Əsəd Həsən əl-Şibanini xarici işlər naziri vəzifəsinə təyin edib. Məlumata görə, bu, Suriya xalqının sülh və sabitlik gətirən beynəlxalq əlaqələr qurmaq istəklərinə cavabdır.
Dəməşq Universitetinin məzunu olan 37 yaşlı Şibani əvvəllər Suriyanın şimal-qərbindəki İdlib əyalətində müxalifət hökumətinin siyasi şöbəsinə rəhbərlik edib.
O, Suriyanın BMT-dəki daimi nümayəndəsi və yüksək səviyyəli ABŞ diplomatlarını qəbul etmək də daxil olmaqla, xarici nümayəndə heyətləri ilə fəal şəkildə əlaqə saxlayıb.
