Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 18-ci turunun növbəti oyunları keçirilib.
Arena.az xəbər verir ki, öncə Tovuzda “Turan Tovuz”la “Neftçi” üz-üzə gəliblər.
Bu, sözügedən komandaların çempionatdakı 10-cu oyunu olub. Əvvəlki 9 oyunda tovuzlular 1, bakılılar 5 qələbə qazanmışdılar, 3 görüş bərabərliklə yekunlaşmışdı. “Neftçi” son 5 oyunda bu rəqibinə məğlub olmamışdı. “Turan Tovuz” son iki matçda qol vurmamışdı.
Bu oyunda isə komandalar hərəyə 1 qol və 1 xalla kifayətləniblər. Beləcə, “Turan Tovuz”la “Neftçi” 2024-cü ildəki son oyunlarını heç-heçə ilə başa vurublar. Tovuz təmsilçisi qış fasiləsinə 32 xalla 3-cü pillədə yollanıb. “Neftçi” isə 17 xalla 7-cidir.
Premyer Liqa
18-ci tur
21 dekabr
“Turan Tovuz” – “Neftçi” 1:1
Qollar: Aleks Souza, 54 – Filip Ozobiç, 45.
Hakimlər: İnqilab Məmmədov, Namiq Hüseynov, Rahil Ramazanov, Kamran Əliyev.
VAR: Rauf Allahverdiyev.
AVAR: Eyyub İbrahimov.
Hakim-inspektor: Ramil Diniyev.
AFFA nümayəndəsi: İlham Əliyev.
Tovuz şəhər stadionu, 16:00.
Turan Tovuz: 1. İvan Konovalov, 4. Şəhriyar Əliyev (k), 88. Faiq Hacıyev, 13. Fərid Yusifli, 44. Rüfət Əhmədov, 9. Kristian da Silva, 23. Alexandro Serrano, 15. Emmanuel Hakman, 80. Otto Con, 6. Araş Qaderi, 21. Aleks Souza.
Ehtiyat oyunçular: 41. Sergey Samok, 71. Mehman Hacıyev, 39. Sadiq Quliyev, 33. Eltun Turabov, 10. Xəyal Nəcəfov, 8. Tural Bayramlı, 11. Ayxan Hüseynov, 7. İsmayıl Zülfüqarlı, 77. Veysəl Rzayev, 99. Sadiq Şəfiyev, 70. Məzahir Məmmədzadə, 5. Roderik Miller.
Baş məşqçi: Kurban Berdiyev.
Neftçi: 93. Rza Cəfərov (k), 10. Filip Ozobiç, 3. Höccət Haqverdi, 13. Emil Səfərov, 14. Edvin Kuç, 4. Mark Tamaş, 99. Ervin Koffi, 44. Yuri Matias, 24. Mustafa Sek, 20. Alfa Konte, 77. Yeqor Boqomolski.
Ehtiyat oyunçular: 30. Rustam Samigullin, 81. Mehdi Həsənov, 19. Azər Salahlı, 7. Azər Əliyev, 90. Ramil Şeydayev, 91. Ağadadaş Salyanski, 78. Elcan Əbilov, 47. Murad Məmmədov, 23. Robert Bauer, 11. Kilan Lebon, 88. Andrey Ştoqrin.
Baş məşqçi: Samir Abasov.
