Laçında ağır qəza olub, ölən var

Laçın rayonunda ölümlə nəticələnən yol qəzası baş verib. 

Yenisabah.az xəbər verir ki, hadisə rayonun Bəylik kəndi yaxınlığında qeydə alınıb. 

Belə ki, hadisə zamanı "VAZ" markalı minik avtomobili dərəyə aşıb.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin müvafiq xilasetmə qüvvələri cəlb olunub. Həyata keçirilən tədbirlər nəticəsində nəqliyyat vasitəsinin içərisində sıxılmış vəziyyətdə qalan sürücünün meyiti çıxarılaraq aidiyyəti üzrə təhvil verilib.

Faktla bağlı araşdırma aparılır.