"Qarabağ"ın futbolçusu Olaviyo Juninyo "Sevilya"dan aldığı təklifə ilk dəfə münasibət bildirib.
QOL.az xəbər verir ki, hazırda iki klub arasında danışıq gedir.
İlk mərhələdə Ağdam təmsilçisi ispanlar tərəfdən təklif olunan məbləğin onları qane etmədiyinə dair qarşı tərəfə cavab verib. Hazırda danışıqlar prosesi ikinci mərhələdədir.
Juninyo özü isə "Estadio Deportivo"ya açqılamasında La Liqa klubunun təklifi ilə bağlı qısaca olaraq deyib: "Hazırda bu barədə çox danışa bilmərəm. Çünki məndən əvvəl klubum var".
Xatırladaq ki, Juninyonun "Qarabağ"la müqaviləsi 2026-cı ilin yayında başa çatır. 28 yaşlı hücumçu Ağdam komandasına 2023-cü ilin yayında Portuqaliyanın "Çavez" klubundan transfer olunub.
