Xəzər dənizində, Xəzər flotiliyasının gəmilərinin bazasında 22800 layihəli (kod “Karakurt”) “Tuça” kiçik raket gəmisinin Rusiya Hərbi Dəniz Qüvvələrinə qəbulu ilə bağlı təntənəli mərasim keçirilib.
Herbiand.az Rusiya Müdafiə Nazirliyinin mətbuat xidmətinə istinadən bildirir ki, tədbirə Hərbi Dəniz Qüvvələrinin Baş Komandanının silahlanma üzrə müavini, vitse-admiral İqor Muxametşin rəhbərlik edib.
O, Zelenodolsk Gəmiqayırma Zavodunun bütün kollektivinə donanmanın döyüş qüdrətinin gücləndirilməsinə verdiyi töhfəyə görə təşəkkür edib. Vitse-admiral dənizçilərin qarşıya qoyulan vəzifələri şərəflə yerinə yetirəcəyinə əminliyini ifadə edib.
“Karakurt” tipli kiçik raket gəmiləri “Almaz” Mərkəzi dəniz dizayn bürosu tərəfindən hazırlanıb. Gəminin əsas silahı modernləşdirilmiş 76,2 mm-lik AK-176MA artilleriya qurğusu, iki AK-630M zenit artilleriya sistemi və bir “Kalibr-NK” zərbə raket sistemidir. Daha sonra AK-630M sistemi “Pantsir-M” zenit-raket kompleksi ilə əvəz olunub.
Bəxtiyar CƏFƏRLİ
