“Real”ın baş məşqçisi Karlo Ançelotti İspaniya La Liqasının 18-ci turunda “Sevilya” üzərində ev qələbəsini (4:2) şərh edib.
Arena.az “Marca” nəşrinə istinadən, italyan mütəxəssisin bu barədə fikrini təqdim edir:
“Biz çoxlsaylı fürsətlərlə yaxşı oyun keçirdik. İlin əla yekunu. Bizim istədiyimiz də məhz budur – 2025-ci ilə mübarizədə olmaq və yaxşı istirahət etmək. Hücum oyunçuları özlərini daha yaxşı göstərirlər. Bu gün onlar Vinisius kimi vacib oyunçudan məhrum idilər, amma bunun öhdəsindən çox yaxşı gəldilər.
Biz həmçinin müdafiədən daha yaxşı çıxdıq və daha çox imkanlarımız oldu. Künc zərbələri işlənib, yaxşı zərbəyə malik olan Kilian Mbappe isə “Selta” ilə oyundakı qola bənzər fantastik qola imza atdı”, deyə Karlo Ançelotti bildirib.
18 oyundan 40 xalla “Real” İspaniya La Liqasının yarış cədvəlində 2-ci pillədə qərarlaşıb. “Sevilya” isə 22 xalla 13-cü yerdədir.
İspaniya La Liqasına 41 xalla Madrid “Atletiko”su başçılıq edir.
