ABŞ-ın yeni seçilmiş prezidenti Donald Tramp Ukraynada davamlı və ədalətli sülhə nail olmaq istəyir.
Herbiand.az xəbər verir ki, bu fikirləri Amerikanın növbəti liderinin Ukrayna üzrə xüsusi nümayəndəsi Keyt Kelloq Fox Business telekanalında bildirib.
“O ədalətli, davamlı və təhlükəsiz sülh istəyir. Regiona sülh gətirmək istəyi Trampın beynəlxalq gündəmində bir nömrəli prioritetdir”.
Seçki kampaniyası zamanı Tramp hətta andiçmə mərasimindən əvvəl də Ukrayna böhranının diplomatik yolla həllinə nail olacağını dəfələrlə bəyan edib. Noyabrın 27-də o, köməkçisi və ABŞ-ın Ukrayna və Rusiya üzrə xüsusi nümayəndəsi vəzifəsinə Kelloqun namizədliyini irəli sürüb. Kelloq Ukraynadakı münaqişənin danışıqlar yolu ilə həllinin tərəfdarıdır.
