Ajans.azxəbər verir ki, qəza saat 11 radələrində Bakı-Qazax avtomobil yolunun Hacıqabul rayonu ərazisindən keçən hissəsində qeydə alınıb. Hadisə zamanı ekskavator tipli traktor və "Mercedes" markalı minik maşını toqquşub. Minik avtomobilinin sürücüsü və 3 sərnişin xəsarət alıb.
Hadisə yerinə Hacıqabul və Şirvan təcili təxirə salınmaz tibbi yardım briqadaları və Fövqəladə Hallar Nazirliyinin əməkdaşları cəlb edilib. Yaralılar Şirvan Şəhər Mərkəzi Xəstəxanasına təxliyə olunublar. Faktla bağlı araşdırma aparılır.
