ABŞ-nin ən böyük avişirkəti olan "American Airlines" bu gün səhərdən ölkə ərazisindəki bütün uçuşları dayandırıb.
Musavat.com Reuters-ə istinadən xəbər verir ki, şirkətin tənzimləyici orqanlara göndərdiyi bildirişə görə, buna səbəb qeyri-müəyyən texniki problemdir.
Media qeyd edir ki, şirkət problemin həlli üçün vaxt çərçivəsi barədə məlumat verməyib: “Bu səhər American Airlines reyslərində texniki problem yaranıb. Komandalarımız problemi mümkün qədər tez həll etmək üçün çalışır və bunun səbəb ola biləcəyi hər hansı narahatlığa görə müştərilərimizdən üzr istəyirik”.
Çoxlu sayda sərnişin sosial mediada uçuşların müxtəlif hava limanlarında uçuş-enmə zolağında ilişib qaldığını və indi enişə geri göndərildiyini yazıb.
Qeyd edək ki, şirkət hər gün 60-dan çox ölkədə 350-dən çox istiqamətə minlərlə uçuş həyata keçirir. Milad bayramı ərəfəsində yaranan problem xüsusilə çoxsaylı insanlar üçün böyük problem yaradıb.
Musavat.com
