PSJ-nin hücumçusu Randal Kolo Muani karyerasını İngiltərə nəhəngində davam etdirməyə yaxındır.
Fanat.Az xəbər verir ki, informasiyanı şəxsi "X" hesabı üzərindən tanınmış insayder Florian Plettenberq yayıb.
Xəbərə görə, sözügedən futbolçunu "Liverpul" gələn ay cari mövsümün sonunadək icarəyə götürmək istəyir. Mənbə hazırda tərəflərin danışıqları davam etdirdiyini vurğulayıb.
Xatırladaq ki, PSJ Kolo Muanini 2023-cü ilin yayında, 95 milyon avro qarşılığında "Ayntraxt"dan transfer edib. Fransa nəhənginin forması ilə bütün turnirlərdə 54 matça çıxan forvard 11 qol və 7 məhsuldar ötürmə ilə yadda qalıb. Onun Paris klubu ilə müqaviləsinin müddəti 2028-ci ilin yayına qədər nəzərdə tutulub. "Transfermarkt" portalı ön xətt oyunçusunun transfer qiymətini 30 milyon avro ilə dəyərləndirir.
Nihat
