“Əl-Nəsr”in portuqal ulduz hücumçusu və kapitanı Kristiano Ronaldo sevgilisi Corcina Rodrigesdən Milad hədiyyəsi alıb.
Arena.az məlumat verir ki, Corcina “Kriş”ə qədtəzə, yağın içində gümüşü rəngli “Rolls-Royce” “Dawn” markalı kabriolet avtomobili hədiyyə edib.
Aşiq-məşuq maşında oturub şəkil və video çəkdiriblər və sosial şəbəkələrdə paylaşıblar. Cütlüyün ailəvi sevincinə kənardan Santa-Klaus şahidlik edib.
Maraqlıdır ki, hələ iki il əvvəl də Milad bayramında Corcina Kristianoya oxşar avtomobil hədiyyə etmişdi.
Xatırladaq ki, Corcina və Kristiano səkkiz ildən artıqdır ki, birlikdədirlər, cütlüyün birgə iki övladı var.
