ABŞ Senatında, Nümayəndələr Palatasında Ukraynaya maliyyə yardımıyla bağlı qanun layihəsi “ilişərkən”, Rusiyanın işğalına məruz qalan Ukraynanın ümumilikdə öz tərəfdaşlarından aldığı maliyyə dəstəyi rekord həddə azalmaqdadır.
“AzPolitika.info” xarici KİV-ə istinadla xəbər verir ki, Kiel Dünya İqtisadiyyatı İnstitutunun son hesabatına görə, 2023-cü ilin avqust-oktyabr aylarında Ukraynaya yardımın həcmi əvvəlki ilin eyni dövrü ilə müqayisədə 90% azalaraq 2,11 milyard avro təşkil edib.
Ukraynanın 42 donor ölkəsindən yalnız 20-si son üç ayda yeni yardım paketləri təqdim edib. Bu, Rusiyanın Ukraynaya qarşı təcavüzü başlayandan bəri ən aşağı göstəricidir: “Qərbin 2023-cü ilin avqust-oktyabr aylarında Kiyevə yardımının həcmi yeni minimuma çatıb, 2022-ci ilin eyni dövründə qeydə alınan həcmin 10%-nə qədər azalıb”.
Üstəlik, bu dövrdə ABŞ-dan gələn yardımların həcmi Avropa İttifaqından, İngiltərədən gələn yardımların həcmi isə Almaniyadan daha az olub.
“AzPolitika.info”