Ukrayna Silahlı Qüvvələri Rusiya ordusunun müdafiə xəttini keçməkdə çətinlik çəkir.

Reyting.az TASS-a istinadla xəbər verir ki, bunu NATO-nun baş katibi Yens Stoltenberq etiraf edib.

Baş katib deyib ki, müdafiə xətlərini aşmaq çətindir, xüsusən də bu əməliyyatları dəstəkləyəcək hava qüvvələri yoxdursa.

Stoltenberqin sözlərinə görə, Ukraynanın əks-hücumunu dəf etməyə hazırlaşan Rusiya dayaq əldə etməyə, nəhəng mina sahələri, səngərlər və tanklar üçün maneələrlə yaxşı hazırlanmış müdafiə xətləri yaratmağa vaxt tapa bilib.

Qeyd edək ki, daha əvvəl Çexiya prezidenti Petr Pavel Ukrayna Silahlı Qüvvələrinin əks-hücum əməliyyatının uğursuzluğunu etiraf edib. “Artıq cəbhədə heç bir ciddi dəyişiklik yoxdur, insanlar və texnikada böyük itkilər var, lakin irəliləyiş azdır”, - deyə Çexiya lideri bildirib.

E. KAMAL