Çinin premium elektrik avtomobilləri istehsalçısı HiPhi maliyyə problemlərinə görə müflis ola bilər.
Bu barədə Carnewschina.com xəbər verir.
Şirkətin qeyri-stabil mövqeyi ilə bağlı şayiələr 2024-cü ilin əvvəlində ortaya çıxdı.
Qeyd olunur ki, 2024-cü ilin yanvarında şirkət işçilərinə maaşların ödənilməsini gecikdirib, 2023-cü ildə fəaliyyətin nəticələrinə görə mükafatları ləğv edib, həmçinin top-menecerlərinin maaşlarını azaldıb.
Yanvar ayında da HiPhi avtomobillərinin istehsalının və tədqiqat-konstruktor işlərinin dayandırılması ilə bağlı söz-söhbətlər ortaya çıxdı. Bu xəbərlərə cavab olaraq HiPhi nümayəndələri şirkətin fəaliyyətini davam etdirdiyini bildirdilər. Bununla belə, fevralın 7-də şirkət işçilərdən evdə işləməyə keçməyi xahiş etdiyi barədə məlumatlar ortaya çıxdı. Eyni zamanda işçilərə öz vəzifələrini yerinə yetirmək imkanı verilməyib.
Mənbə: Autotech