Azərbaycan gimnastı Zöhrə Ağamirova Bakıda keçirilən bədii gimnastika üzrə Dünya Kubokunda daha bir finala yüksəlib.
Z.Ağamirova bu gün gürzlərlə hərəkətlər proqramını da təqdim edib. Bu proqramda idmançı 31.000 xalla 12-ci yeri tutdu.
Kamilla Seyidzadə lentlə hərəkətdə 28.600 xalla 22-ci, gürzlərlə hərəkətlər proqramında isə 14-cü (30.900 xal) yeri tutub.
Xatırladaq ki, bir gün əvvəl Z.Ağamirova halqa ilə hərəkətlər proqramının finalına çıxıb.
Qeyd edək ki, aprelin 19-21-də Bakıda Milli Gimnastika Arenasında bədii gimnastika üzrə Dünya Kuboku yarışları keçirilir.
