Kürdəmirə yağan güclü yağış həyatı iflic edib.
Teleqraf.com xəbər verir ki, bu gün axşam saatlarında başlayan güclü leysan rayonun bir neçə küçə və prospektlərində gediş-gəlişi məhdudlaşdırıb.
Bu vəziyyət rayonun Bakı və Heydər Əliyev prospektlərində, eləcə də Xanlar Səfərəliyev, Şəhriyar küçələrində özünü daha çox büruzə verir. Adı çəkilən küçələrdə vəziyyət daha da ağırdır. Belə ki, yağış suları istər avtomobillərin, istərsə də piyadaların hərəkətinə əngəl yaradır.
Hazırda aidiyyəti qurumların canlı qüvvəsi və texnikası əraziyə cəlb olunub. Yaranmış çətinliyin aradan qaldırılması istiqamətində zəruri işləri həyata keçirirlər.
Müəllif: Teleqraf.com
