Xəbər verdiyimiz kimi, İran Prezidenti İbrahim Rəisinin olduğu helikopterin qəzaya uğradığı yer Türkiyənin “Akınçı” PUA-sı sayəsində tapılıb.BUTA.TV xəbər verir ki, bir neçə ölkə mediasında türk PUA-sının bu uğuru əsas xəbər kimi dərc edilib. Hətta İsrail mediası da “Akınçı”nın bu uğuruna biganə qalmayıb. Məşhur “Yerusəlim Post” qəzeti türk PUA-sının texniki xüsusiyyətlərinə geniş yer verib. Qeyd edək ki, İran Prezidenti İbrahim Rəisi, xarici işlər naziri Hüseyn Əmir Abdullahian, Təbrizin imam cüməsi Ayətullah Əli Al-Haşim, Şərqi Azərbaycan vilayətinin valisi Malik Rəhməti 19 mayda Şərqi Azərbaycan vilayətində baş verən helikopter qəzasında həlak olub.
