Tesla səhmdarları CEO İlon Maskın yanvar ayında ləğv edilən çoxmilyardlıq maaş paketini yenidən təsdiqləyiblər.
Teslanın Texas ştatının Ostin şəhərində keçirilən illik səhmdarlar yığıncağında İlon Maskın maaş paketi və şirkətin Texasa köçməsi ilə bağlı səsvermələr açıqlanıb.
Səhmdarlar həm Maskın maaş paketinin, həm də Teslanın Texasa köçürülməsi təkliflərinin lehinə səs verdilər.
Yanvar ayında Delaver Məhkəməsinin hakimi Kathaleen McCormick, Maskın təxminən 56 milyard dollar dəyərində maaş paketinin "şirkətin idarə heyəti tərəfindən ədalətsiz olaraq təyin edildiyi" səbəbiylə ləğv edilməsinin yolunu təmizləyib.
X hesabında mövzu ilə bağlı bir paylaşım edən Elon Musk, "Heç vaxt Delaver əyalətində şirkətinizi qurmayın" dedi. Daha sonra o, şirkəti Texas ştatına köçürmək planını açıqladı.
Bu ilin əvvəlində təxminən 56 milyard dollar dəyərində olan ödəniş paketi Teslanın səhmlərindəki dəyər itkisi səbəbindən bir qədər azaldı.
