Növbəti mövsümdən Azərbaycan Premyer Liqasında mübarizə aparacaq “Şamaxı”nın yay hazırlıq planı məlum olub.
Arena.az xəbər verir ki, bu barədə əyalət klubunun mətbuat xidməti məlumat yayıb.
Təlim-məşq toplanışı Şamaxıda baş tutacaq və iyulun 1-də start götürəcək.
Komandanın hazırlıq zamanı 4 yoxlama oyunu keçirməyi planlaşdırılır. Rəqiblərin kimliyi, oyunların vaxtı və keçirilmə yeri haqda əlavə məlumat veriləcək.
Xatırladaq ki, geridə qalmış 2023/2024 mövsümünü Birinci Liqanın çempionu kimi başa vurmuş “Şamaxı” növbəti mövsümdə Premyer Liqada mübarizə aparacaq.
