Gürcüstan qarşısına iddialı məqsəd qoyur - 2030-cu ilə qədər Avropa İttifaqına üzv olmaq.
Oxu24.com xəbər verir ki, bunu baş nazir İrakli Kobaxidze Berlində Gürcüstanın Müstəqillik Gününə həsr olunmuş qəbulda çıxışı zamanı deyib.
“Bizim iddialı hədəfimiz var - 2030-cu ilə qədər Gürcüstanı Avropa İttifaqına üzv etmək. Bu gün uşaqlarımız Aİ-nin himnini qeyri-adi şəkildə ifa etdilər və mən əminəm ki, bu uşaqların gələcəyi Aİ-dədir”, - deyən Kobaxidze birliyə qoşulmağın mühüm milli vəzifə olduğunu bildirib.
Gürcüstan hökumət başçılarının fikrincə, bu məqsədə nail olmaq üçün müttəfiqlərin və Gürcüstana dost ölkələrin dəstəyi vacibdir.
Mayın 14-də Gürcüstan parlamenti xarici agentlər haqqında qanun layihəsini sonuncu üçüncü oxunuşda qəbul edib. 84 deputat lehinə, 30-u əleyhinə səs verib.
Bundan əvvəl Gürcüstanın baş naziri Kobaxidze bildirib ki, Gürcüstan abxaz və osetin “qardaş və bacıları” ilə birlikdə Aİ-nin tamhüquqlu üzvü olmağa ümid edir.
Nigar
